தோனியால் ஏன் முடியவில்லை

.சங்கா -100

 

குமார் சங்ககார இன்று தனது 100 வது டெஸ்ட் போட்டியில் பங்கேற்கிறார் . இப்பெருமையை பெரும் 5வது இலங்கை வீரர் இவர் ஆவார் .முரளிதரன் ,மஹேல,வாஸ் ,சனத் ஆகியோரே ஏனையோர் .இந்த போட்டியில் வெற்றி பெற்று சங்கா வை கௌரவி ப்பது இலங்கை அணியினரின் தலையாய கடமை ஆகும் .

இரட்டை விருது  

இலங்கை அணியின் முன்னாள் அணித் தலைவர் சங்ககார 2011ம் ஆண்டுக்கான சிறந்த ஒரு நாள் வீரராக ஐ.சி.சி யினால் தெரிவு செய்யப் பட்டு உள்ளார் .கருதப் பட்ட  ஆகஸ்ட் 11-2010  இருந்து ஆகஸ்ட் 04-2011 வரை 25 போட்டிகளில் பங்கு பற்றி 1049 ஓட்டங்களை 55.21 எனும் ஓட்டவிகிதத்தில் பெற்றார் .இவர் இந்த விருதை வாட்சன் ,கம்பீர் ,ஆம்லா ஆகியோரின் போட்டியின் மத்தியில் வென்றுள்ளார் .

அது மட்டுமன்றி முற்று முழுதாக ரசிகர்களின் வாக்குகளால் தெரிவு செய்யப்படும் ஐ.சி.சி மக்கள் தேர்வு விருதையும் பெற்றுள்ளார் . ஆம்லா,த்ரோத்ட்,காயில்,மற்றும் டோனி ஆகியோரை விட அதிகப் படியான வாக்குகளை பெற்று இந்த விருதை பெற்றுள்ளார் .

தோனியால் ஏன் முடியவில்லை 

இது குறித்து நான் ஏற்கனவே போட்ட பதிவு   சங்கா +முக்கிய VIP.  என் முன்னே உள்ள முக்கிய சந்தேகம் ஏன் டோனி இந்த விருதை பெற முடியவில்லை  என்பதே  ஆகும் .இந்திய தேசம் கிரிக்கெட்டிலேயே ஊறியது .100 கோடிக்கு மேலான மக்கள் தொகை கொண்ட இந்தியர்களின் ஏகோபித்த அபிமானத்தை பெற்ற ஒரு வீரர் .இந்தியாவிலேயே பிரபலங்கள் வரிசையில் முக்கிய இடத்தில் இருப்பவர் .சனத்தொகையில் 2  கோடியையும் தாண்டாத இலங்கை யை(அதிலும் நம்ம தமிழரில் அரைவாசிப் பேர் இந்திய கிரிக்கெட் ரசிகர்கள் என்பது வேறு கதை ) சேர்ந்த சங்கா இந்த விருதை பெரும் போது தோனியால் முடியாமல் போனது ஏன் .எனக்கு பெரிய வியப்பாகவே உள்ளது .வேற்று நாடுகளில் கிரிக்கெட் அவ்வளவு பிரபலம் கிடையாது .மேலைத்தேய நாடுகளில் இங்கிலாந்து சார்பாக திராட் போட்டியிட்டதால் அவர்களின் ஓட்டு சங்கா வுக்கு  பெரிதளவில் வர வாய்ப்பு இல்லை

.இந்திய அணியின் இங்கிலாந்துடனான படு தோல்வியை ஒரு காரணமாக ஏற்றுக் கொண்டாலும்  கடந்த ஆகஸ்ட் -25 வாக்களிப்பின் இறுதி திகதி ஆகும் .அப்போது இந்திய அணி அடி வாங்கினாலும் மரண அடியை வாங்கியிருக்கவில்லை  .(அடி ஒவ்வொன்றும் இடியாக விழுந்தது பிறகுதானே ).எல்லாவற்றையும் விட அவர் இந்தியாவுக்கு பெற்று தந்த உலக கிண்ணத்தை எந்தவொரு இந்தியனும் மறந்து இருக்க மாட்டான் .எனினும் விருது பெறாதது எப்படி என்று எனக்கு தெரியவில்லை .(சிறந்த எழுச்சி மிகு வீரருக்கான விருதை டோனி பெற்றுள்ளார் .).நான் கிரிக்கெட் ரசிகன் என்றாலும் கிரிக்கெட் தொடர்பாக எழுதும் முதல் பதிவு இதுதான் .வலையுலகில் கிரிக்கெட் பதிவுகளை எழுதும் பதிவர்களிடம் இதற்கான விடையை எதிர்பார்க்கிறேன்  .(லோஷன் அண்ணா. ,கிரிக்கெட் நண்பர்கள் K.s.s.ராஜ்   .   , கவியுலகம் மைந்தன் சிவா. ,பாலாவின் பக்கங்கள் பாலா இவ்வளவு பேருமே எனக்கு தெரிந்தவர்கள் )

கிரிக்கெட் தொடர்பாக விடயங்களை அலசி ஆராயும் பிரபல பதிவர் லோஷன் அண்ணா அவர்கள்  நான்  சங்கா வுக்கு ஓட்டு அளிக்கும்படி எழுதிய பதிவுக்கு இட்ட பின்னுட்டத்தை  அப்படியே தருகிறேன் .

 ''''''

சங்காவுக்கு நானும் வாக்களித்துவிட்டேன்..
ஆனால் இந்திய இணையத்தளப் பாவனையாளர்கள் அதிகம் என்கிற காரணத்தாலும், இந்திய அணியின் ஆதரவாளர்களின் ஒட்டுமொத்த ஆதரவும் தோனி பக்கம் திரும்பும் என்பதாலும் தோனிக்கே கூடுதல் சாதகம் என நான் நம்புகிறேன்...

சங்காவின் கனவான் தன்மைக்கும், நல்ல மனதுக்கும் இந்த மக்கள் விருது அவருக்கே கிடைக்கவேண்டும் என்று விரும்புகிறேன்...'''

வாழ்த்துக்கள் சங்கா .இலங்கை கிரிக்கெட் அணி ரசிகனாய் உங்களின் வெற்றி எமது அணிக்கு கிடைத்த வெற்றி ஆகும் .கிரிக்கெட் கண்ணியவான் என்று போற்றப்படும் உங்களின் சாதனை பயணம் தொடர வாழ்த்துக்கள்  .உங்கள் வெற்றியில் நாமும் ஒரு அணிலாய் (ஹிஹி ஹி என்ன சிரிப்பு அங்க  ) இருந்ததை இட்டு பெருமைப்படுகிறேன்

டிராவிட் ஒருநாள் போட்டியில் ஓய்வு 

 உலகப் பெரும் சுவர் சீனாவில் அமைந்துள்ளது அனைவரும் அறிந்தது .அதை விட இந்தியர்கள் அனைவருக்கும் இந்திய பெரும் சுவரை நன்கு அறிவார்கள் .ஆம் அந்த பெரும் சுவர் இன்றுடன் ஒருநாள் போட்டியில் இருந்து ஓய்வு பெற இருக்கிறது . ஆம் ராகுல் டிராவிட் 15 ஆண்டுகளாக இந்திய அணியில் விளையாடி அணியின் வெற்றிக்கு பெரிதும்  பங்கு ஆற்றியவர் .343 போட்டிகளில் 10820 ஓட்டங்களை 12 சதம் 82 அரைசதம் உள்ளடங்கலாக பெற்றுள்ளார்.இன்றைய அவரின் இறுதி போட்டியில் ஆவது இந்திய வெற்றி பெற்று அவரை வழியனுப்பும் என இந்திய ரசிகர் மட்டுமன்றி கிரிக்கெட் ரசிகர்கள் அனைவருமே எதிர் பார்க்கிறார்கள்    ..டிராவிட் தொடர்பான  அனைத்து தகவல்களும் பார்க்க 

ஒரு நாளில் 5000 பக்க பார்வைகள் (page views )

 சரி  தலைப்புக்கு  வருவோம் . நான்  சற்றுமே  எதிர்  பாராத  வகையில்  நான் எழுதிய பதிவு ஒன்று ஒரு நாளில் மட்டும் 5954 பக்க பார்வைகளை பெற்றது .இன்லியில் பிரபலமாகவும் இல்லை .தமிழ் மணத்திலும் ஒன்றும் இல்லை .முழுக்க முழுக்க முக பக்கம் (facebook )தான் .690 பகிர்வுகள் .பகிர்வு செய்த அனைவருக்கும் நன்றிகள் .அந்த பகிர்வு பட்டனை எனது வலைத் தளத்தில் இணைக்க உதவிய  வந்தேமாதரம் சசி .அவர்களுக்கும் நன்றி

 

 
என்ன பதிவு பிடித்து இருக்கா பிடித்து இருந்தால் ஓட்டு போடலாமே

Post Comment